အရင် လို ပြန် လာ ခွင့် ရှိ ရင် တောင်

ကံ့ကော်တွေ
တကားလုံးဝေအောင် ဆွဲပြလဲ
ငါ့ပန်းချီထဲ
တစ်ပွင့်မှဝေဖော်မရ
နေစိမ့်ကြတယ်။

စွေ့ကနဲခုန်ချ သစ်သီးကောက်
ဖြုတ်ခနဲ ပြန်တက် ရှဉ့်မြီးကောက်လေး
ငေးလို့တောင် မ၀သေး
ဝေးခဲ့ရတယ်။

အပင်ပေါ်ပြန်လာခွင့်ရှိတယ်ဆိုရင်တောင်
အရင် လို ပြန်ဝေခွင့်မရှိတဲ့ဟန်ပါလား..
သွေးဆာနေတဲ့ အစွယ်ကိုမှ
သက်သက်လွတ်တရား
ပြမိလျက်သား..

ထားပါတော့ မိတ်ဆွေရေ
စီးနေဆဲမြစ်အတွက်
ကျောင်းတက်ချိန်ဆိုတာ
နေညိုညို ရေချိုးဆိပ်လို့ပဲထားလိုက်ပါ..

ထုံးပေါက်နေတဲ့လျှာအတွက်
“ဘ၀ဆိုတာ” လို့စကားစရမှာ
လေးလံလှပါတယ်ဟာ… ။ ။

မင်းကိုနိုင်

နေ အ ဝေး