(၄)
မမ
အိပ်ယာထနောက်မကျနဲ့နော်
ကျွန်တော့်ကို ပြုံးပြဖို့လဲ
နောက်မကျပါနဲ့။
တစ်စုံတစ်ဦး၏တိုက်ခိုက်မှုမှာ
မှားယွင်းမှုမှာ
မှန်ကန်မှုမှာ
အပြုံးနဲ့ပြန်လည်ခုခံဖို့
ကျွန်တော်လေ့ကျင့်နေပါတယ်။
လည်ပင်းဆီ
ဦးတည်လာတဲ့ ကြိုးကွင်းကို
အပြုံးနဲ့ ပြန်လည်ခုခံဖို့
ကျွန်တော်လေ့ကျင့်နေပါတယ်။
မနက်ခင်းတသုန်သုန်မှာ
မမ အပြုံးတွေ ဖွေးဖွေးလှုပ်ပွင့်လို့---
လူမှုရေးအတတ်ပညာမှာ
အပြုံးနဲ့ဟန်ဆောင်မှုပါရဲ့
အားလုံးမတတ်မြောက်သေးပါ
မချိပြုံးလေးကိုတောင်
ဆင်းရဲခံပါတယ်။
လူတွေရဲ့အပြုံးမှာ
အဓိပ္ပါယ်တွေပါရမယ်
အဓိပ္ပါယ်မဲ့ အပြုံးတွေတွေ့တိုင်း
ပြုံးပြခဲ့ဘူးတယ်။
မသေမချာခြင်းတွေနဲ့
သေသေချာချာ နေထိုင်ခဲ့ပါတယ်
မတိမကျခြင်းတွေနဲ့
တိတိကျကျ နေထိုင်ခဲ့ပါတယ်။
မယုံမကြည်ခြင်းတွေနဲ့
ယုံယုံကြည်ကြည်နေထိုင်ခဲ့ပါတယ်။
မနက်ခင်းတသုန်သုန်မှာ
မမ အပြုံးတွေ ဖွေးဖွေးလှုပ်ပွင့်လို့---
လူနေမှုစနစ်ထဲ
ခေါင်းမာတာတွေပါသွားလို့
ဒုက္ခအိပ်ယာပေါ်
ကျေကျေနပ်နပ်အိပ်စက်ခဲ့ဘူးတယ်။
ချိုမြိန်တဲ့ဟန်ဆောာင်မှုကို
မျက်စိမှိတ်အန်ထုတ်ပြီး
ခါးသက်တဲ့ရိုးသားမှုကို
မျက်စိမှိတ် မျိုချခဲ့ဘူးတယ်။
ပစ္စည်းတစ်ခု၏တန်ကြေးမှာ
အရင်းသာရပြီး
ဟန်ဆောင်မှု၏တန်ကြေးမှာ
အမြတ်အစွန်းရတတ်တာ
သင်ယူခဲ့ဘူးပါရဲ့။
မမအပြုံးတွေမှာ
အမြတ်အစွန်းမပါဘူး
ကျွန်တော်ယုံတယ်
ကျွန်တော်ယုံကြည်ခဲ့ပါတယ်။
မနက်ခင်းတသုန်သုန်မှာ
မမ အပြုံးတွေ ဖွေးဖွေးလှုပ်ပွင့်လို့---
(၅)
မမစိတ်ကောက်ရင်
နဖူးတွန့်ပြပုံက
ငုံနေတဲ့ပန်းတစ်ပွင့်လိုပဲ
တစ်မျိုးလှတယ်။
မမ စကားပြောရင်
ပါးချိုင့်ပါတယ်
တယောသံပါတယ်
တစ်မျိုးလှတယ်။
မမ လမ်းလျှောက်ရင်
လေထဲယိမ်းနွဲ့နေတဲ့
မမဆံပင်ရှည်ရှည်တွေလိုပဲ
တစ်မျိုးလှတယ်။
မနက်ခင်းတသုန်သုန်မှာ
မမ အပြုံးတွေ ဖွေးဖွေးလှုပ်ပွင့်လို့---
မမနေမကောင်းရင်
တိမ်ပါးပါးလ်ိမ်းထားတဲ့ လ လိုပဲ
တစ်မျိုးလှတယ်။
ကျွန်တော့်ထံက
အသေးအမွှား မကျေနပ်တာ
မမယူရတိုင်း
မမထံက
အသေးအမွှားမကျေနပ်တာ
ကျွန်တော့်ကိုပေးပါ
မမစိတ်ကောက်ပုံက
တစ်မျိုးလှတယ်။
မမ ဆံပင်မဖြတ်ရဘူး
ဆံပင်ဖျားမှာ သွေးရူးသွေးတမ်း တွယ်ကပ်
ကျွန်တော့်တပ်မက်မှုတွေ
ပြုတ်ကျသွားမှာစိုးတယ်။
မနက်ခင်းတသုန်သုန်မှာ
မမ အပြုံးတွေ ဖွေးဖွေးလှုပ်ပွင့်လို့---
မောင်သစ်ဝေ (မြင်းခြံ)
( ၁၉၉၅)
About နေ အ ဝေး
0 comments:
Post a Comment