အမှားပြင်ဆင်ချက်

ပကတိ တိတ်ဆိတ်နေတဲ့ ဟင်းလင်းပြင်က တံခါးလို မတ်မတ်စောင့်
ဟိတ်နဲ့ဟန်နဲ့ အောက်က ပုရွတ်ဆိတ်တွေ ဖြတ်သန်းနေကြပြီ

ပုံးအလွတ်တွေ၊ လွတ်လွတ်လပ်လပ် ဘာမဆို ထည့်ဝင်ဖို့ ရှိနေ
တစ်ချိန်က သတ်မှတ်ခံ တံဆိပ်တစ်ခုခုရဲ့ အညွှန်းေ၀၀ါးခြင်းထဲ

“အင်း” နဲ့ “အဲ” ကြားမှာ နှစ်များစွာ ရှိလာတော့ အာမေဋိတ်တွေ
တုန်ခါသမှု ပြုကြမယ် အဖုအထစ်တွေ ကိုယ်တိုင်က လူဖြစ်လာခြင်းနဲ့

ဒါဟာ နယ်ကုန် ဒါကို ထပ်ကျော်ရင် ကြယ်စုံတဲ့ ၀ရန်တာအပြင်
အမြင့်ကြောက်စိတ်ထဲက အောက်ငုံ့ကြည့်ခြင်းနဲ့ ဆင်တူတယ်

ပိုမြင်ရတာက အလင်းရောင်ရဲ့ သင်္ချာထောင့်ချိုးအတိုင်း
ကျရောက်နေတဲ့ အဓိပ္ပာယ်ဆိုင်ရာ အရိပ်ထဲမှာ

ကျောက်စက်ရေက ဖြစ်တဲ့ ကျောက်ဖြစ်ရုပ်ကြွေး မျက်ရည်ကို
သုတ်လိုက်ရင် ကျောက်မှုန်တွေ ထွက်တယ် ဟိုက်ဒရိုဂျင်တိမ်တိုက်ဖြစ်တဲ့

ကြယ်တွေလို အတိတ်က လေပူဖောင်းတွေ ငွေ့ရည်ဖွဲ့ပြီး
ထုထည်တွေဘက် အားပြုလာတဲ့ အမြင်ပါးလွှာမှု

ဒီတံခါးမှာ အတွင်းကမြင်ပြီး အပြင်က မမြင်ရတဲ့
မှန်ကို တပ်ဆင်မယ် မဟုတ်လား။

ဝင်းမြင့်

နေ အ ဝေး