ငတ်မွတ်နေတဲ့ လူတစ်ယောက်ကို
“အစားအစာ” နဲ့ “ဘုရားသခင်”
ဘယ်သူ့ကို ပိုယုံကြည်လဲမေးရင်
ဘာဖြေလိမ့်မယ် ထင်သလဲ ။
အစကတည်းက လှည်းစားခံရ
စွတ်ပြုတ်တစ်ခွက်ဟာ
တချို့သူအတွက်
အပျော်တမ်းစားသောက်စရာ ဖြစ်ပေမယ့်
ညနေစာ မစားရသေးတဲ့ ညစောင့်အတွက်တော့
ဒါဟာ
ပိုပြီး အရေးတကြီးလိုအပ်သင့်တဲ့အရာ ဖြစ်နေပေါ့။
အားလုံး ပြည့်ပြည့်၀၀ပြီးဆုံးသွားတဲ့ ကောင်းကင်ကြီးအောက်
ဆာလောင်နေတဲ့မျက်လုံးတွေကို မြင်ရတာလောက်
ဝမ်းနည်းစရာ မရှိဘူး ။
အဲဒီ မျက်လုံးတွေဟာ ကြယ်ကလေးတွေလိုပဲ
အကြေကွဲဆုံးစကားတွေနဲ့ တလက်လက်တောက်ပနေတတ်လို့။
ဆိုင်နဲ့ အိမ်တံခါးပေါက်တွေလည်း
ပိတ်သွားပြီ
ဒီမြို့ကြီးမှာ
စွတ်ပြုတ်တစ်ခွက် ဘယ်နေရာကမှ မရနိုင်တော့ဘူးလား ။
ဘုရားသခင်ဟာ
တချို့သူတွေကို နည်းနည်းပိုပေးလိုက်တာကြောင့်
တချို့သူတွေမှာ လုံးဝမရတော့တာလား
လမ်းပေါ်မှာရပ် စဉ်းစားဆဲ ။
နေမျိုး
ကျွန်တော့်ဆီကို လာရောက်လည်ပတ်တဲ့ မိတ်ဆွေအားလုံးကို ကျေးဇူးတင်ပါတယ်နော်... မိတ်ဆွေတို့ရဲ့ အားပေးတဲ့ စကားသံတွေဟာ ကျွန်တော် ရှေ့ဆက်ရမယ့် အလုပ်တွေအတွက် အားရှိတဲ့ ခြေလှမ်းတွေပါပဲ... ကျွန်တော့်တင်သမျှ ကဗျာလေးတွေကို ဖေ့ဘုတ်ခ် ကနေ ဖတ်ချင်ရင်
About နေ အ ဝေး
0 comments:
Post a Comment